147: Loch of the Stags 147: Lochan nan Damh
Litir shìmplidh sheachdaineach do luchd-ionnsachaidh le clàr-fuaime, tar-sgrìobhadh is eadar-theangachadh. A simple weekly letter to Gaelic learners with audio, transcription and translation.
Tha an litir bheag ag obrachadh leis an fhaclair. Tagh an taba ‘teacsa Gàidhlig’ agus tagh facal sam bith san teacsa agus fosglaidh am faclair ann an taba ùr agus bidh mìneachadh den fhacal ann. The little letter is integrated with the dictionary. Select the tab ‘Gaelic text’ and choose any word and the dictionary will open and you will see the English explanation of the Gaelic word.
Lochan nan Damh
Tha Lochan nan Damh faisg air Loch Tatha. Tha sin ann an Siorrachd Pheairt. Tha Lochan nan Damh anns a’ mhonadh. O chionn fhada, bha daoine a’ smaoineachadh gun robh taibhse a’ fuireach aig an lochan.
Bha eagal air a’ mhòr-shluagh ron taibhse. Bha an taibhse ann air an oidhche agus air an latha. Cha robh daoine a’ dol faisg air an loch.
Bha fear a’ fuireach faisg air làimh. ’S e an t-ainm a bha air Donnchadh Mòr Ruadh na Feusaig. Tuigidh sibh dè an coltas a bha air! Bha Donnchadh sgileil le claidheamh. Agus cha do chuir rud sam bith eagal air. Chuir e roimhe cur às don taibhse. No mar a thuirt e fhèin “an taibhse a chur aig fois”.
Feasgar a bha seo chaidh Donnchadh don lochan. Thachair e ris an taibhse. Bhruidhinn e rithe. Cha do nochd an taibhse aig Lochan nan Damh a-rithist.
Nuair a bha Donnchadh sean, bha daoine faisg air Calasraid a’ gearain mu thaibhse. Bha Donnchadh ag iarraidh faighinn cuidhteas i. Cha robh a’ bhean aige toilichte. Bha e ro shean. Dh’iarr i air Donnchadh fuireach aig an taigh. Ach dhiùlt e.
Dh’iarr a bhean air fear òg anns a’ bhaile ruith air thoiseach air Donnchadh. Dh’innis am fear òg do sheann charaid aig Donnchadh dè bha a’ dol a thachairt.
Nuair a chuala an seann charaid an naidheachd, dh’fhalbh e a-mach air an rathad. Bha e a’ toirt a’ chreidsinn gun robh e dìreach a’ gabhail cuairt. Thachair e ri Donnchadh air an rathad.
“Càite a bheil thu a’ dol, a Dhonnchaidh?” thuirt a charaid ris.
“Tha taibhse faisg air Calasraid. Tha i a’ cur dragh air na daoine,” thuirt Donnchadh. “Tha mi a’ dol ga cur aig fois.”
“Tut, a dhuine!” thuirt a charaid, “’S e taibhse Ghallta a tha innte. Chan eil Gàidhlig aice. Chan eil Beurla agad. Chan urrainn dhuibh a chèile a thuigsinn.”
Mheòraich Donnchadh air sin. Thuirt e, “Tha thu ceart. Cha do smuainich mi air sin.” Thill e dhachaigh. Agus cha deach Donnchadh Mòr Ruadh na Feusaig an tòir air taibhsean a-chaoidh tuilleadh.
Faclan is abairtean: Lochan nan Damh: [loch of the stags]; faisg air Loch Tatha: near Loch Tay; Siorrachd Pheairt: Perthshire; o chionn fhada:a long time ago; bha eagal air a’ mhòr-shluagh ron taibhse: the populace were scared of the ghost; air an oidhche agus air an latha: at night and during the day; faisg air làimh: close by; Donnchadh Mòr Ruadh na Feusaig: [big red-haired Duncan of the beard]; tuigidh sibh dè an coltas a bha air: you’ll understand how he appeared; sgileil le claidheamh: skilful with a sword; chuir e roimhe cur às don taibhse: he made up his mind to get rid of the ghost; an taibhse a chur aig fois: to put the ghost to rest; feasgar a bha seo: one afternoon; thachair e ri: he met; bhruidhinn e rithe: he spoke to her; bha daoine faisg air Calasraid a’ gearain mu thaibhse: people near Callander were complaining of a ghost; ag iarraidh faighinn cuidhteas i: wanting to get rid of her; dh’iarr i air Donnchadh fuireach aig an taigh: she asked Duncan to stay at home; dhiùlt e: he refused; ruith air thoiseach air Donnchadh:to run ahead of Duncan; dè bha a’ dol a thachairt: what was going to happen; dh’fhalbh e a-mach air an rathad:he went out on the road; bha e a’ toirt a’ chreidsinn: he was pretending; gun robh e dìreach a’ gabhail cuairt:that he was just taking a stroll; càite a bheil thu a’ dol?: where are you going?; tha i a’ cur dragh air na daoine:she is annoying the people; ’s e taibhse Ghallta a tha innte: she is a non-Gaelic ghost; chan eil Gàidhlig aice:she doesn’t speak Gaelic; chan urrainn dhuibh a chèile a thuigsinn: you can’t understand each other; mheòraich Donnchadh air sin:Duncan considered that; thill e dhachaigh: he returned home; cha deach X an tòir air taibhsean a-chaoidh tuilleadh: X never again went in pursuit of ghosts.
Download the text of this week's letter as a PDF:Thoir a-nuas Litir mar PDF:
PDF documents are especially suited for printing out. Most computers can open PDF files, but if you have problems viewing them you may need to install reader software such as Tha faidhleachan PDF gu sònraichte math airson clò-bhualadh. Tha e furasta gu leòr do chuid de choimpiutairean faidhleachan PDF fhosgladh, ach ma tha trioblaid agad ‘s dòcha gum biodh e feumail bathar-bog mar Adobe Acrobat Reader. fhaighinn.
Litir do Luchd-ionnsachaidh
This letter corresponds to Tha an Litir seo a’ buntainn ri Litir do Luchd-ionnsachaidh 451
Podcast
BBC offers this litir as a podcast: Visit the programme page for more info and to download or subscribe. Tha am BBC a’ tabhainn seo mar podcast. Tadhail air an duilleag-phrògraim airson barrachd fiosrachaidh no airson podcast fhaighinn